Zëvendësministri i Ministrisë së Administrimit të Pushtetit Lokal, Bajram Gecaj, priti sot Ambasadorin e Hungarisë në Kosovë, Laszlo Markusz , me të cilin biseduan për bashkëpunimin ndërshtetëror mes Republikës së Kosovës dhe Hungarisë për çështjet me interes të përbashkët, njofton kumtesa ministrore, transmeton Koha.net.
Bajram Gecaj falënderoi ambasadorin hungarez, Laszlo Markusz, për mbështetjen që ka dhënë Hungaria për Kosovën, duke theksuar rëndësinë e bashkëpunimit në të gjitha projektet me interes për institucionet dhe qytetarët e Kosovës.
Ambasadori i Hungarisë në Kosovë, Laszlo Markuszu, shprehi mirënjohje për bashkëpunimin e deritanishëm dhe ritheksoi gatishmërinë e Hungarisë për bashkëpunim të ngushtë me institucionet Kosovës në projektet me interes të përbashkët për dyja vendet.
Ambasadori i Hungarisë në Kosovë, Laszlo Markuszu, ftoi zëvendësministrin Gecaj për një vizitë zyrtare në Hungari, përkatësisht në Ministrinë e Punëve të Jashtme për të diskutuar për çështjet aktuale të politikës së jashtme dhe sigurisë në Ballkan dhe më gjerë, organizimin e qeverisjes lokale në Hungari, si dhe qasjen hungareze ndaj komuniteteve pakicë.
-
Ambasadori francez: Për ta mbështetur Kosovën duhen institucione që funksionojnë mirë
-
Kurti takohet me kancelarin austriak, thekson përkushtimin e Kosovës në rrugën drejt BE-së
-
Haxhiu takohet me kryeministrin çek, i kërkon mbështetje tutje për Kosovën
-
Diplomatët e huaj e Konjufca në takim, diskutohen rruga e Kosovës drejt BE-së e zhvillimet e brendshme
-
Si do të ndikojnë në Kosovë zgjedhjet e së dielës në Hungari?