Vishaj: Masat janë liruar, por pandemia vazhdon

Drejtori i Infektives, Arben Vishaj, ka thënë se masat janë liruar porse pandemia është edhe më tutje prezentë.

Ai ka bërë thirrje që qytetarët të vazhdojnë të vaksinohen,

“Ne i inkurajojmë ata që nuk janë vaksinuar, të vaksinohen, sepse duke e bërë këtë i afrohemi edhe më shumë kohës liberale”, ka thënë ai.

Sipas tij, në Klinikën Infektive gjendja e përgjithshme është shumë e qetë krahasuar më ditët e mëhershme.

Vishaj ka shtuar se aktualisht të hospitalizuar janë 24 pacientë dhe një nga ta është në gjendje shumë të rëndë.

“Në përgjithësi kërkesa për hospitalizim në Klinikën Infektive është shumë e vogël. Kjo pasi nuk ka shumë kërkesa për vizita dhe në komunitet nuk ka shumë persona që janë duke u infektuar. Është vështirë të thuhet se virusi e ka humbur efektin. Por mund të themi se një numër i madh i qytetarëve i është përgjigjur vaksinimit. Nuk mund të themi me besueshmëri që ka ra virolenca”, ka thënë ai.