Kryeshefi i deritashëm i Ndërmarrjes Publike Banesore, Nexhat Kryeziu, po vazhdon ta mbajë këtë post, ndonëse i ka kaluar mandati.
Kryeziu ka thënë nëpërmjet telefonit se do të vazhdojë të qëndrojë në këtë pozitë derisa bordi i ndërmarrjes apo ndonjë autoritet tjetër të vendosë ndryshe.
Ai ka fajësuar Komunën e Prishtinës për shkak të vonesave në përzgjedhjen e bordit të ri.
Njëri nga aksionarët e kësaj ndërmarrjeje që vjen nga radhët e Vetëvendosjes, Egzon Azemi, ka paralajmëruar padi ndaj kryetarit Shpend Ahmeti dhe zyrtarëve të tjerë komunalë.
Mediat online kanë raportuar se Komuna e Prishtinës ka kërkuar nga Policia e Kosovës që të ndërhyjë në zhvillimet në NPB, pasi Dren Kukajt, aksionar i ndërmarrjes i emëruar nga kryetari Ahmeti, iu pamundësua muaj më parë hyrja në objektet e ndërmarrjes.
Edhe
Vetëvendosje e PSD-ja vazhdojnë betejën për kontrollimin e Ndërmarrjes Publike Banesore
Por, një gjë të tillë gjatë ditës nuk e ka konfirmuar Komuna, e as Policia e Kosovës.
Zyrtarët komunalë kanë thënë se aktualisht nuk duan të deklarohen për këtë çështje.
