Sylë Zhitia, zyrtar i lartë i Ministrisë së Mbrojtjes ka vdekur mëngjesin e së dieles, nga një sulm në zemër ka bërë të ditur kjo ministri.
Përmes një postimi në Facebook, është bërë e ditur se Zhitia, vëllai i dëshmorit Afrim Zhitia, ka vdekur në shtëpinë e tij, në fshatin Llugë të Podujevës.
“Në emër të Ministrit të Mbrojtjes Anton Quni, zëvëndësministrit Enver Dugolli, Sekretarit të Përgjithshëm Faruk Geci, Komandantit të FSK-së gjenerallejtënant Rrahman Rama, dhe të gjithë stafit të ministrisë, i shprehim ngushëllime më të thella familjes, shokëve, miqve dhe farefisit”, shkruhet në postimin e ministrisë.
