Inspektorati i komunës së Prishtinës në bashkëpunim me Policinë e Kosovës, është duke vazhduar aksionin për largimin e taksive ilegale në kryeqytet. Adonis Tahiri, drejtor i Inspeksionit Komunal, tha për Radio Kosovën se aksioni ka për qëllim zbatimin e rendit dhe ligjit në transportin e udhëtarëve dhe mallrave në kryeqytet.
Ne jemi duke i konfiskuar automjetet e taksisteve që nuk kane leje të punës nga komuna, dhe jemi duke ndërmarrë masa edhe ndaj taksive që nuk kanë leje nga Komuna e Prishtinës, por nga komunat e tjera, në raste kur këta ndërhyjnë ne linjat e tjera.
Tahiri, thotë se bashku me pjesëtarët e policisë janë në terren me shumë ekipe të inspeksionit në mënyrë që të vendosin rregull sa i përket transportit në Prishtinë.
Gjithashtu kemi shtuar kontrollin në autobusë, për të parë nëse i kanë licencat e duhura, sepse ka autobusë që janë linja ndërurbane që vijnë nga Gjilani, Podujeva që hyjnë brenda qytetit të Prishtinës e që i shfrytëzojnë stacionet e trafikut urban që nuk është e lejuar. Ata duhet të shkojnë direkt në Stacionin e Autobusëve dhe ta bëjnë zbrazjen e udhëtarëve.
Ndryshe dënimi për pronarët e taksive ilegale që qarkullojnë në Komunën e Prishtinës është 100 euro, duke mos u përfshi këtu edhe shpenzimet për bartjen me merimangë.
-
Inspektorati në Prishtinë në aksion kundër taksive ilegale
-
Inspeksioni në kryeqytet gjobit taksitë ilegale
-
Shitësit ilegalë në shesh s’respektojnë vendimet e Komunës së Prishtinës
-
Aksione edhe ndaj taksive legalë në Prishtinë, disa nuk respektojnë lejet
-
Inspektorati ndali 21 transportues ilegalë në ditën e parë të aksionit