Policia e Kosovës ka njoftuar se, si vazhdimësi e aksionit të nisur para dy ditësh, ka arritur të intervistojë katër nga të dyshuarit që ishin në kërkim policor për kontrabandë. Tre prej tyre janë dërguar në mbajtje, ndërsa njëri është liruar në procedurë të rregullt.
Siç ka njoftuar Policia të intervistuarit janë: Vehbi Hyseni, Muhamet Hyseni, Muhamet Vallqi dhe Agron Novaj. Prej tyre njëri është liruar në procedurë të rregullt, pas intervistimit.
Para dy ditësh, Policia ndërmori një aksion në Prishtinë, Pejë e Mitrovicë të Jugut dhe Veriut për kontrabandë të mallrave. Ishin arrestuar tetë persona ndërsa u shpallën në kërkim edhe dhjetë të dyshuar.
Në veri aksioni u përcoll me protesta të qytetarëve serbë që përfunduan me policë të lënduar.
Artikuj të ngjashëm
-
Aksion kundër kontrabandës në Leposaviq, sulmohet policia
-
Arrestohen 3 të dyshuar në Prishtinë për armëmbajtje dhe shitblerje të substanca narkotike
-
Aksion në Vushtrri, arrestohen katër persona për disa vepra penale
-
Një polic serb në mesin e 16 të arrestuarve për kontrabandë me armë
-
Arrestohen 4 të persona në Mitrovicë, u zunë duke kontrabanduar 5 shtetas të Jemenit