Po bëhen më shumë se një muaj që bodrumet e këtij kompleksi banesor në qendër të Prishtinës janë të mbushura me ujëra të zeza.
Madje në njërin nga bodrumet niveli i ujit ka arritur deri në orën e energjisë elektrike, raporton KTV.
Që ndërtesa të mos marrë flakë, ata po u duhet të përkujdesen vetë për pastrim.
Sipas banorëve, ky problem ka ardhur nga sistemi i vjetruar, por edhe nga pakujdesia e banorëve që janë të kyçur në po të njëjtin sistem.
Nga rreziku i krijimit të ndonjë sëmundjeje dhe nga kundërmimi, banorët tregojnë se një pjesë e tyre tashmë janë larguar nga aty.
Kërkesë për intervenim thonë se kanë bërë në komunë, por këta të fundit përgjegjësinë ia hedhin Kompanisë së Ujësjellësit Rajonal “Prishtina”.
Edhe
Ujërat e zeza mbushin katet përdhese të banesave, banorët kërkojnë zgjidhje
Në kompani, drejtori teknik, Sokol Xhafa përmes telefonit, ka thënë se ky problem nuk mund të zgjidhet pa ndihmën e komunës, pasi ka të bëjë me dëmtim të gypave.
“Gypi është shtypur dhe me këtë është e pamundur të hapet. Është obligim i organeve komunale investimi në rrjete të kanalizimit, sepse ne bëjmë vetëm mirëmbajtjen nga aspekti i pastrimit”, ka thënë Xhafa për KTV-në.
