Kosova këtë vit po shënon 19-vjetorin e hyrjes së NATO-s në Prishtinë dhe largimin e ushtrisë serbe nga Kosova.
Rrustem Mustafa-Remi, ish-komandant i Zonës Operative të Llapit të UÇK-së, ka kujtuar 19-vjetorin e hyrjes së NATO-s në Prishtinë dhe marshimin e ushtarëve të UÇK-së në kryeqytet.
“Dy elemente janë që kemi marrë vendime të shpejta për të hyrë më herët në Prishtinë. E para është se armiku gjithherë kur është ikur ka lënë dëme të mëdha, e dyta ka qenë befasuese që forcat ruse hyn në Kosovë, kjo ishte befasi edhe për aleatët”, i tha ai sot televizionit publik.
Sipas tij vetë lufta ishte fenomen i rrezikshëm. Ai ka kujtuar 11 qershorin ditën kur ushtarët e UÇK-së, u futën në Prishtinë.
“Me urdhër lufte dhe urdhër operativ kemi hyrë në Prishtinë me brigadat tona”, theksoi ai. Rrustem Mustafa-Remi ish-komandant i Zonës Operative të Llapit të UÇK-së, tha se kanë pasur koordinim me aleatët. Sipas tij shqiptarët janë falënderuar për NATO-në që kontribuuan për lirinë e Kosovës.
-
Palokaj rrëfen ditën kur së bashku me forcat e NATO-s hyri në Kosovë më 12 qershor
-
Veteranët marshojnë në kryeqytet, në 27-vjetorin e çlirimit
-
Sopi: UÇK-ja i jepte NATO-s vazhdimisht koordinata se ku kishte forca serbe
- Si u shmang nisja e luftës së tretë botërore në Kosovë
-
Rrëfimi i Palokajt për futjen në Kosovë me KFOR-in: U vendosëm në Grand, personeli ishte serb