Tri rrugë në Vushtrri kanë mbetur pa furnizim me ujë të pijshëm, njoftoi të enjten, Kompania Rajonale e Ujësjellësit “Mitrovica”.
Në njoftim u tha se si pasojë e pëlcitjes së gypit, pa ujë kanë mbetur rrugët “Kadri Zeka”, “Hamit Hyseni” dhe “Adnan Shyti”.
“Sanimi i defektit pritet të filloj nesër në mëngjes dhe në momentin që sanohet defekti, rifillon furnizimi me ujë të pijes për rrugët e lartcekura. Ju faleminderit për mirëkuptimin tuaj”, thuhet në njoftim.
