Presidenti i Kosovës, Hashim Thaçi, në një konferencë për media ka njoftuar se bashkërisht dhe në të njëjtën kohë me presidentin e Malit të Zi, Filip Vujanoviq, kanë dalë me një Deklaratë për ratifikimin e marrëveshjes së demarkacionit ndërmjet Kosovës dhe Malit të Zi.
Përmes kësaj deklarate dy presidentët u kanë bërë thirrje deputetëve që ta votojnë marrëveshjen e nënshkruar ndërmjet dy vendeve në gushtin e vitit 2015.
Këtë marrëveshje e kishte nënshkruar Thaçi si zëvendëskryeministër dhe ministër i punëve të jashtme të Kosovës.
Kjo deklaratë e dy presidentëve erdhi pas vizitës dy ditëshe të kryeministrit malazez, Dushko Markoviq.
Të enjten, pas takimeve të kryeministrit malazez me Thaçin dhe Kadri Veselin, opinioni u njoftua të ishte arritur ujdia për nënshkrimin e një aneks marrëveshje, e cila parashihte miratimin e demarkacionit në ditët në vijim.
-
Thaçi: Tani ka hapësirë për procedim të Marrëveshjes së Demarkacionin me Malin e Zi
-
Demarkacioni, “çështje e lehtë” për Kosovën e Malin e Zi
-
Kosova e njofton zyrtarisht Malin e Zi për ratifikimin e demarkacionit
-
Thaçi dekretoi Ligjin për Ratifikimin e Marrëveshjes për Kufirin Shtetëror me Malit të Zi
-
Thaçi: Ratifikimi i demarkacionit dinamizon agjendën e Kosovës