Presidenti i Kosovës, Hashim Thaçi, ka njoftuar se ka dekretuar Ligjin për Parandalimin dhe Luftimin e Pandemisë COVID-19, një javë pasi mori miratimin e Kuvendit të Kosovës.
Në një postim në Facebook, Thaçi ka thënë se po ashtu ka dekretuar edhe Ligjin për Ratifikimin e Marrëveshjes me Asociacionin Ndërkombëtar për Zhvillim lidhur me financimin e Projektit Emergjent COVID-19 dhe atë për Marrëveshjen e Huasë ndërmjet Kosovës dhe BE-së për ndihmën makro-financiare.
Sipas tij, këto tri ligje do të ndihmojnë në tejkalimin e situatës dhe në rimëkëmbjen ekonomike të vendit.
Ligji për luftimin e pandemisë parasheh, ndër tjerash, edhe dënime prej 35 deri 500 euro për ata që nuk respektojnë masat.
Deri tash në Kosovë janë regjistruar 12006 raste pozitive me COVID-19. 438 persona kanë humbur betejën me virusin.
-
Thaçi ofron 50 mijë euro dorëzani për lirim me kusht
-
Haxhiu dekreton disa ligje, edhe atë për anëtarësimin në Bordin e Paqes
-
Qeveria procedon në Kuvend Projektligjin për ndryshimin e buxhetit
-
Miratohet në parim projektigji për çmimet tavan
-
Qeveria miraton projektligjin për masat për produktet bazë në treg të destabilizuar