Myftiu i Kosovës Naim Tërnava, në mesazhin e tij me rastin e Kurban Bajramit ka thënë se kjo festë në Kosovë vazhdimisht ka përçuar në formën më të mirë të mundshme shpresën, begatinë, solidaritetin, ndihmën për tjetrin, urtësinë, paqen e mirëkuptimin.
Ai ka thënë se në këtë festë luten që në botë të ketë sa më pak konflikte e luftëra.
“Sot po jetojmë në një kohë trazirash, luftërash, pasiguri, konflikte e frikë, në këtë ditë të madhe, në vigjilje të Kurban Bajramit, lutemi që mesazhet dhe porositë që i bartë kjo festë të kuptohen drejtë nga të gjithë; lutemi po ashtu që bota të ketë sa më pak konflikte, ngatërresa, luftëra e çrregullime. Festa e Kurban Bajramit ka edhe domethënien e paqes, drejtësisë, unitetit e mirëkuptimit”, ka theksuar Tërnava.
“Duke ju uruar për festën e madhe të Kurban-Bajamit, lus Zotin për shëndet, mbarësi, begati, dashuri e harmoni në familjet tuaja”, ka shtuar Tërnava.
Festa e Kurban Bajtamit shënohet të mërkurën.