Pas uljes së temperaturave dhe paralajmërimeve për përkeqësim të mëtutjeshëm të motit, menaxhmenti i “Termokos”-it, pas konsultimeve me menaxhmentin e KEK-ut, ka marrë vendim që të rikthejë furnizimin me ngrohje për gjithë konsumatorët.
Furnizimi do të fillojë sot në orët e para të mbrëmjes dhe do të vazhdojë për disa ditë me radhë, varësisht nga lëvizja e temperaturave dhe sipas nevojës, shkruan KP.
Përndryshe, furnizimi i jashtëzakonshëm me ngrohje lejohet me aktet ligjore në fuqi, edhe pas përfundimit ligjor të sezonit ngrohës, varësisht nga kushtet klimatike.
“Termokos” ka bërë të ditur se po vazhdon të përmbushë me sukses misionin e vet për të furnizuar me ngrohje të mjaftueshme dhe cilësore konsumatorët, kurdo që kjo do të jetë e nevojshme.
-
“Termokosi” lajmëron fillimin e furnizimit të jashtëzakonshëm me ngrohje
-
Ndërpritet ngrohja në kryeqytet
-
Ankesat se s’ka nisur ngrohja, “Termokosi”: Gjatë ditës arrin pikat më të larta e të largëta
-
Termokosi: Jemi të gatshëm të fillojmë furnizimin me ngrohje para afatit ligjor
-
“Termokosi” njofton përmbylljen e sezonit të ngrohjes