Një shitës cigaresh në Prishtinë ka qenë cak i një rasti të bulizmit në kryeqytet.
Aktivistja për mbrojtjen e të drejtave të njeriut, Fjolla Rraci, ishte ajo që ka publikuar videon e rastit të keqtrajtimit në Facebook. Në atë video shihen disa të rinj që qeshin me djalin, shitës cigaresh, teksa i vënë flakën duarve të tij në një tavolinë, brenda një lokali.
Në video shihet se pas djegies së duarve, djalit që shet cigare nuk i ndihmon askush. Aty dëgjohen vetëm zërat duke qeshur.
Në postimin e saj, Rraci i kërkon falje Fatonit për përqeshjen dhe djegien e duarve që i ishte bërë nga të tjerët.
Policia e Kosovës ka konfirmuar për KOHËN se personat e përfshirë në këtë ngjarje janë duke u intervistuar. Zëdhënësja e Policisë për Rajonin e Prishtinës, Flora Ahmeti, ka thënë se do të publikohen detajet pas përfundimit të fazës fillestare të hetimit.
PASHA KETE DITE, NA NUK JEMI NJERZ! Ty ti kallen durt, e mu ma kallen zemren o Faton! Kush jeton n’Prishtine e njeh, e...
Posted by Fjolla Rraci on Tuesday, December 8, 2020
