Kryeministri i Kosovës, Albin Kurti, dhe lideri i Lidhjes Demokratike të Kosovës, Lumir Abdixhiku, do të takohen të mërkurën nga ora 11:00, ku çështja kyçe e diskutimit pritej të jetë dialogu me Serbinë.
Takimi është thirrur nga Kurti, që ka ftuar për diskutim të gjithë liderët e opozitës.
“Takimi do të mbahet, të mërkurën duke filluar nga ora 11:00”, ka konfirmuar zëdhënësja e LDK-së, Sibel Halimi.
Takimin e ka konfirmuar edhe kryetari i Aleancës për Ardhmërinë e Kosovës, Ramush Haradinaj, ndërsa u.d i kryetarit të Partisë Demokratike të Kosovës, Enver Hoxhaj, e ka refuzuar ftesën.
Kurti pritet që në mesin e qershorit të takohet me presidentin e Serbisë, Aleksander Vuçiq.
