Të larguarit e VV-së prezantojnë logon e tyre

Deputetë të larguar nga Lëvizja Vetëvendosje, kanë prezantuar logon e partisë së tyre të re.

Me ndërrimin e partisë, deputetët e pavarur ndërruan edhe fotografitë e tyre të profilit në Facebook, duke prezantuar edhe logon e partisë që pritet të emërohet Partia Social Demokrate. Madje, fotografisë së profilit ia bashkëngjitën edhe nga një trëndafil.

Me 26 prill fotoreporterët e grupit KOHA kishin kapur në foto logon e partisë së re, të cilën e analizuan deputetët në njërën prej seancave të Kuvendit të Kosovës.

Fotografët e grupit KOHA kanë fokusuar me aparatët e tyre diskutimet në mes deputetëve për logon e partisë së re.

E nga ajo kuptohet se partia e re të cilën ata do ta krijojnë do të mbajë emrin Partia Social Demokrate.

Edhe Arbëri 2 d. më parë Jashari: Kësaj radhe, ndryshe nga herët e kaluara, s’po ka improvizime

Një parti me këtë emër tashmë ka traditë në Kosovë dhe udhëhiqet nga Kaqusha Jashari. Ajo njëherë njihej si Partia Socialdemokrate e Kosovës, por kishte ndryshuar emri dhe logoja e saj kur për një kohë e kishte marrë drejtimin e partisë ish-kryeministri e ish-gjenerali, Agimi Çeku.

{gallery}