Tahiri: Është koha të lëvizim drejt anëtarësimit në Konventat e Hagës

Ministri në detyrë i Drejtësisë, Abelard Tahiri, ka hapur punimet e Konferencës dy paleshe të organizuar nga Ministria e Drejtësisë së Kosovës në bashkëpunim me Ministrinë e Drejtësisë së Francës, për çështje të bashkëpunimit juridik në çështje civile.

Tahiri ka kërkuar nga Republika e Francës të intensifikojë përpjekjet për mbështetjen e anëtarësimit të Kosovës në Konferencën e Hagës dhe aderimin në Konventat e Hagës.

“Republika e Kosovës është shteti më i ri në rajon dhe më gjerë, por për vetëm 11 vite të shtetësisë, ka arritur të kapë trendin e zhvillimeve, e në raste specifike edhe të tejkalojë vendet e rajonit në raport me obligimet ndërkombëtare. Kosova, me institucionet e saj të drejtësisë dhe punën që ka bërë me theks të veçantë gjatë dy viteve të fundit në bashkëpunimin juridik penal, është dëshmuar se nuk do jetë asnjëherë adresë e strehimit të njerëzve që kanë rënë ndesh me ligjin dhe as nuk do t’i amnistojë individët që dyshohen për vepra penale jashtë vendit”, tha Tahiri.

Por krahas suksesit, shtoi Tahiri, si shoqëri dhe si shtet, Kosova po lëviz gradualisht drejt integrimeve ndërkombëtare e evropiane, përballë të cilave, e në radhë të parë përballë vetë qytetarëve tanë, duhet marrë përsipër funksionimin e ligjit edhe në çështjet civile.

“Prandaj, trajtimi i bashkëpunimit juridik në çështje civile është dhe do jetë prioritet i institucioneve tona në periudhën vijuese. Kjo konferencë si dhe përmbajtja e punimeve që do shtrohen këtu, synon ta rrisë dhe përmirësojë praktikën e bashkëpunimit juridik ndërkombëtar në çështjet civile, nga çështjet më madhore e deri ato më specifike. Ministria që unë drejtoj shpreh gatishmërinë për thellimin dhe përmirësimin e mëtejmë të bashkëpunimit juridik ndërkombëtar me Ministrinë e Drejtësisë së Republikës së Francës çka do të kontribuonte dukshëm dhe do ta lehtësonte ekzekutimin e suksesshëm të kërkesave tona të ndërsjella për ndihmë juridike”, citohet Tahiri në komunikatën për media.

Edhe Arbëri 1 pri 2025 Tahiri: I domosdoshëm formimi i institucioneve me një qasje ndryshe prej 4 vjetëve të fundit

Tahiri, tha se “dua të rikthej në vëmendjen tonë një çështje tepër të rëndësishme që është e nevojës të shtrohet në agjendën politike e institucionale ndërkombëtare sa i përket bashkëpunimit juridik”.

“Krahas bashkëpunimit bilateral me vendet që mbi të gjitha kanë interes drejtësinë, është koha dhe është e nevojshme që të intensifikohen përpjekjet tona për t’u anëtarësuar në Konferencën e Hagës dhe për të aderuar në Konventat e Hagës që janë në interesin tonë reciprok”, përfundoi Tahiri.