Zëvendëskryeministri i Kosovës, Besnik Tahiri, ka falënderuar ambasadorin Jan Braathu për shërbimin e tij në Kosovë në krye të OSBE-së.
Ai në konferencë për media ka thënë se Braathu mbetet ndër miqtë dhe diplomatët që ka shërbyer pa asnjë kursim në Kosovë.
“Ambasadori Braathu do të mbetet një ndër miqtë dhe ndër diplomatët që ka ndihmuar pa asnjë kursim në ndërtimin e institucioneve demokratike në Kosovë, dhe forcimin e partneritetit ndërkombëtar dhe shtyrjen e dialogut me komunitet”, ka thënë Tahiri, raporton Ekonomia Online.
Ai e ka uruar Braathun për misionin e ri si shef i OSBE-së në Serbi.
Ambasadori i OSBE-së Jan Braathu është shprehur mirënjohës ndaj institucioneve të Kosovës për bashkëpunimin. Derisa është shprehur i sigurt se Kosova nuk po e humb një shok, por tani do ta kenë një mik në Beograd.
"Ne kemi pyetur se çka mund të i’u ndihmojmë, këtu. Të jeni i sigurt se nuk po e humbni një shok, por do të keni një mik në Beograd", tha ai duke iu referuar zëvendëskryeministrit Besnik Tahiri.
-
Osmani në takim me Braathu: Misioni i OSBE-së i rëndësishëm për procesin e demokratizimit
-
Vushtrria e shpall qytetar nderi ambasadorin e OSBE-së në Kosovë
-
OSBE do të vazhdojë përkrahjen për krijimin dhe ruajtjen e një ambienti të sigurt në Kosovë
-
Braathu thotë se OSBE do të vazhdojë ta mbështesë Kosovën
-
Tahiri: Aleanca do të ndihmojë në formimin e institucioneve nëse plotësohen kushtet tona