Kryeministri i Britanisë së Madhe, Keir Starmer, gjatë fjalës së tij në Samitin e Komunitetit Politik Evropian që po mbahet në Tiranë, theksoi rëndësinë e sigurimit të një paqeje të drejtë dhe të qëndrueshme në Evropë.
Ai paralajmëroi se nëse Rusia nuk pranon të ulet në tryezën e bisedimeve, atëherë Vladimir Putin duhet të përballet me pasojat.
“Sfida më urgjente për kontinentin tonë është paqja. Duhet të bëjmë më shumë për mbrojtjen tonë. Javën e kaluar shpalla një paketë të re sanksionesh ndaj flotës hije ruse. Nëse Rusia vazhdon të shmangë bisedimet, atëherë Putin duhet ta paguajë çmimin”, u shpreh Starmer, transmeton TCH.
Ai shtoi se Rusia po zvarrit procesin e paqes dhe po luan lojëra, ndërsa theksoi se armëpushimi është urgjent dhe jetik.
Në këtë kontekst, Starmeri njoftoi se Britania do të rrisë buxhetin e saj të mbrojtjes në 2.8% të PBB-së deri në vitin 2027, duke riafirmuar angazhimin e Londrës për sigurinë e kontinentit.
“Britania e Madhe është gati të luajë rolin e saj dhe kjo nënkupton më shumë investim në mbrojtje. Është koha të punojmë së bashku për të mbrojtur vlerat tona të përbashkëta”, ka thënë kryeministri britanik.
Nga Tirana, liderët evropianë paralajmëruan pasoja për Rusinë
-
Starmer: Marrëveshja e paqes për Ukrainën duhet të përmbajë garanci të forta sigurie
-
Starmer: Putini do të ulet në tavolinën e negociatave herët a vonë
-
Starmer thotë se Putini nuk e ka seriozisht arritjen e paqes në Ukrainë
-
Britania e gatshme të dërgojë trupa paqeruajtëse në Ukrainë
-
Starmer: Rusia mund ta sulmojë përsëri Ukrainën pa garanci të sigurisë nga SHBA-ja