-
Nga:
Saranda Ramaj
- 3 shkurt 2022 11:20
- Shpërndaje në:
Sot pritet të vazhdojë shqyrtimi kryesor në rastin e njohur si “afera e hidrocentraleve”. Të akuzuar në këtë rast janë katër ish-ministrat e Qeverisë Thaçi 2, Besim Beqaj, Mimoza Kusari-Lila, Dardan Gashi, Nenad Rashiq, si dhe Fllanza Hoxha dhe Arben Gjuka nga KEK-u.
Të gjithë të akuzuarit janë të pranishëm në seancë. Sot do të bëhet dëgjimi i një dëshmitari.
Më shumë se tetë vjet janë bërë prej se dyshohet se ka ndodhur kontrabandimi i katër hidrocentraleve bashkë me privatizimin e rrjetit të shpërndarjes së KEK-ut.
Hetimet kanë zgjatur më shumë se katër vjet. Aktakuza është ngritur tash e më shumë se një vit e gjysmë e gjykimi është krejt në fillim. Hetimet për këtë aktakuzë patën nisur pas një raportimi në Koha Ditore. Sipas analizës së KOHËS në nëntor të 2021-s, ky gjykim nëse nuk arrin të përfundojë brenda një viti e gjysmë e gjithë lënda pritet të parashkruhet.
Më 8 dhjetor të vitit të kaluar, pati dëshmuar edhe ish-drejtori i KEK-ut, Edmond Nulleshi, si dëshmitar i propozuar nga Prokuroria Speciale.
