Bashota nuk mund të kandidojë për kryetar komune, decertifikohet nga KQZ-ja

Komisioni Qendror i Zgjedhjeve ka decertifikuar kandidatin e PDK-së për kryetar të Klinës, Sokol Bashotën, të cilit para disa ditësh Gjykata e Apelit i ka shqiptuar vendimin e formës së prerë.

Kjo ia pamundëson Bashotës të qenit kandidat për kryetar komune. Në vendin e Bashotës, PDK-ja e ka emëruar kandidat Esat Racin. 

Gjykata e Apelit në Kosovë më 30 gusht vërtetoi aktgjykimin e Themelores së Pejës për rastin e Bashotës dhe ish-nënkryetarit të Klinës, Enver Berisha.

Gjykata Themelore në Pejë, Bashotën dhe Berishën, i kishte shpallur fajtorë për veprën penale “mosraportim apo raportim i rremë i pasurisë, të ardhurave, i dhuratave, i dobisë tjetër materiale ose i detyrimeve tjera financiare”. Ata ishin dënuar me burgim me kusht prej 6 muajve. Dënimi do të duhej vuajtur vetëm nëse gjatë periudhës njëvjeçare do të kryenin vepër tjetër penale. Po ashtu të akuzuarit janë gjobitur me 1200 euro.

Apeli ka refuzuar ankesën e Prokurorisë Themelore të Pejës si të pabazuar e po ashtu ankesën e avokatëve mbrojtës të Sokol Bashotës dhe Enver Berishës.

Edhe Video 3 sht 2021 Mosdeklarimi i pasurisë pamundëson kandidaturën e Bashotës për kryetar të Klinës

{gallery}