Sindikata e punëtorëve të sektorit privat po i shqyrton grevat

Kryetarët e shoqatave sindikale të punëtorëve teknikë, të sigurimit fizik të Spitaleve, QMF-ve janë takuar sot për të marrë vendim për veprimet e mëtutjeshme sindikale për mosdhënien nga 60 euro sikurse mjekëve dhe infermierëve.

Kryetari i Sindikatës së Pavarur të Sektorit Privat, Jusuf Azemi ka thënë se takimi i sotëm është i imponuar.

“Qeveria e Kosovës nuk e di ku e mori atë të drejtë që të bëjë klasifikimin e këtyre punëtorëve. Jemi të indinjuar që pritarët e atyre po ballafaqohen me Covid-19, jemi te parët që merremi me ta, ky diferencim nuk i ka hije Qeverisë”, ka thënë ai.

Ai ka thënë se “nuk e shesim veten me 60 euro por duam të trajtohemi si gjithë të tjerët”.

Azemi ka thënë se janë të gatshëm për grevë dhe se bashkërisht do e diskutojnë edhe rrugën për këtë.