Sindikata e Doganës së Kosovës ndan 3 mijë euro për familjen Abazi si dhe për të prekurit nga tërmeti në Shqipëri

Sindikata e pavarur e Doganës së Kosovës ka ndarë 3 mijë euro për të prekurit nga tërmeti në Shqipëri, si dhe për familjet e 2 gjilanasëve që kanë mbetur të vdekur në Durrës.

Këtë e ka bërë të ditur kjo sindikatë, nëpërmes një komunikate të dërguar, ku kanë shkruar:

“Sindikata e Pavarur e Doganës së Kosovës bashke ndjen dhembjen me familjarët e të vdekurve si pasojë e dridhjeve të tokës në Shqipëri, njëherit shpreh ngushëllimet më të sinqerta për jetët e humbura si pasojë e dridhjeve të Tokës atje.

Duke dashur që sa do pak ti dalim në ndihmë viktimave, familjareve dhe të dëmtuarve tjerë në këtë tragjedi, Sindikata e Pavarur e Doganës së Kosovës në mbledhjen urgjente të mbajtur sot me datë 27.11.2019 ka vendosur që të ndaj shumën prej 3000 €urove për familjet e prekura nga tërmeti në Shqipëri si dhe për familjen Abazi nga fshati Livoq i Epërm komuna e Gjilanit.”