Një ditë më parë, kryetari i LDK-së, Isa Mustafa në studion e emisionit Rubikon të KTV-së bëri të ditur se pa postin e kryeministrit nuk mund të ekzistojë asnjë marrëveshje me Lëvizjen Vetëvendosje.
Një ditë pas, këtë e kundërshtoi bashkëpartiaku i tij, Arben Gashi duke thënë se ka parime tjera për të cilat do të duhej të diskutoheshin dhe se posti i kryeministrit është gjuhë e vjetruar dhe e gabuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Unë po të isha kryetar i LDK-së normalisht që kisha bisedu por kisha bisedu në terma tjerë. Jo në terma se kush është kryeministri, ma jep kryeministrin, ta japë kryeministrin, nuk mendoj se është gjuha e cila duhet më përdor, është gjuhë e vjetërume", ka thënë ai në Rubikon të KTV-së.
Gashi theksoi se dallim substancial me LVV-në mbetet deklarimi për vlerësimin e figurës së Ibrahim Rugovës.
"Çështje substanciale me Vetëvendosjen në këtë rast është vlerësimi politik që këta kanë për figurën qendrore të LDK-së e që është Ibrahim Rugova", ka thënë ai.