Isa Mustafa s’e përjashton mundësinë të jetë kandidat për kryeministër

Veprime konkrete për të formuar Qeverinë e re gjatë kësaj jave ka paralajmëruar presidenti Hashim Thaçi.

Një ditë pas këtij qëndrimi, LDK-ja ka mbledhur Kryesinë e ngushtë të partisë.

Kreu i kësaj partie, Isa Mustafa, ka thënë se nuk ka marrë garanci nga presidenti se do ta mandatojë LDK-në për të formuar Qeverinë.

Mustafa nuk e ka përjashtuar veten si kandidat potencial për kryeministër, duke dhënë indikacione se e dëshiron sërish këtë post, raporton KOHA.

Pas takimit dyorësh të Kryesisë, Mustafa ka theksuar se nëse LDK-ja vjen në pushtet hapi i parë i saj do të jetë heqja e reciprocitetit, ashtu siç ka kërkuar i dërguari i posaçëm amerikan për dialogun, Richard Grenell.

Në mbledhjen e Kryesisë së LDK-së nuk është ftuar fare nënkryetarja e kësaj partie Vjosa Osmani, zëri kundërshtues brenda partisë për koalicionin me AAK-në e Nismën.

Edhe Arbëri 26 dhj 2020 Mustafa: Jemi të gatshëm për zgjedhje, LDK-ja organizohet për fitore

Ndërkaq Memli Krasniqi nga PDK-ja thotë se nuk do ta votojnë asnjë qeveri që do të formohet pa PDK-në.

E derisa LDK-ja pret të mandatohet nga presidenti për të formuar Qeverinë, kreu i LDK-së ka pranuar se ishin pajtuar me Vetëvendosjen që të bëhet president.