Miliona vaksina kundër koronavirusit mund të humbin nëse shtetet e pasura nuk i shpërndajnë dozat për vendet më të varfra, ka paralajmëruar UNICEF-i.
Organizata humanitare e Kombeve të Bashkuara ka thënë se bota ka nevojë për furnizim të vazhdueshëm përgjatë vitit, sepse vendet e varfra nuk po i kanë burimet që t’i përdorin të gjitha përnjëherë.
Shumë shtete të fuqishme janë zotuar për dhurim të dozave – por atyre u është bërë thirrje që këtë ta bëjnë më herët se që ishte paralajmëruar.
UNICEF-i, bashkë me yje botërore të artit e sportit, i kanë dërguar një letër shtatë shteteve më të pasura në botë duke u kërkuar që të dhurojnë 20 për qind të vaksinave të tyre deri në muajin gusht.
“Pandemia s’do të përfundojë askund përderisa t’i jepet fund çdo kund”, ka thënë ish-ylli i futbollit, David Beckham.
Edhe
Donacionet me vaksina për vendet e varfra nuk funksionuan sipas planit
Shtetet e pasura i prijnë listës së porosive të dozave të vaksinave. Shtetet e varfra shpresat i kanë të varura në programin “COVAX”, që furnizohet edhe nga shtetet e pasura.
Të gjitha shtetet e G7-s, Shtetet e Bashkuara të Amerikës, Gjermania, Mbretëria e Bashkuar, Kanadaja, Italia, Franca e Japonia janë zotuar për ndihmë.
-
Kërkohet nga vendet e pasura të sigurojnë qasje të barabartë në vaksina
-
“Pabarazi shokuese” në shpërndarjen e vaksinave në botë
-
OBSH-ja u kërkon shteteve të pasura të dhurojnë 10 milionë vaksina anti-COVID
-
Macroni kërkon nga fuqitë e mëdha që 5% të vaksinave të tyre t’ua shpërndajnë vendeve të varfra