Komiteti Teknik i Ekspertëve ka vendosur masa të reja anti-COVID në Shqipëri, duke zgjatur kufizimin e lëvizjes së lirë deri në orën 22:00 të mbrëmjes.
Ministrja e Shëndetësisë dhe Mbrojtjes Sociale, Ogerta Manastirliu dhe Komiteti Teknik i Ekspertëve, kanë bërë të ditur vendimet e fundit, të lehtësimit të disa masave në vend.
Nisur nga situata epidemiologjike dhe ecuria e procesit të vaksinimit anti-COVID, Manastirliu deklaroi masat e reja që fillojnë nga dita e hënë, datë 12 prill.
“Në vlerësim të situatës së 6 javëve të fundit, Komiteti Teknik i Ekspertëve ka vendosur zgjatjen e orës së qarkullimit të qytetarëve deri në orën 22:00 të mbrëmjes, duke filluar nga dita e nesërme, datë 12 Prill. Po kështu, aktivitetin e bareve dhe restoranteve do të jenë të hapura deri në orën 22:00. Do të vijojë të mbeten në fuqi të gjitha masat e orës police nga ora 22:00- 06:00 të mëngjesit. Gjithashtu duke marrë në konsideratë përmirësimin e ndjeshëm të situatës së epidemisë në Mbretërinë e Bashkuar, një shtet i cili ka pasur një ecuri shembullore sa i përket vaksinimit, Komiteti Teknik i Ekspertëve ka propozuar rihapjen e fluturimeve me këtë shtet”, deklaroi Manastirliu. /TCH
-
Shqipëria lehtëson masat kundër pandemisë
-
Publikohen masat e reja anti-COVID në Shqipëri
-
Shqipëria shtrëngon masat antiCOVID, nga nesër pritet kufizim i lëvizjes
-
Hynë në fuqi masat e reja anti-Covid në Shqipëri, karantinë nga ora 20:30 deri në 06:00
-
Prej 24 dhjetori deri më 4 janar në Shqipëri ndalohet lëvizja nga ora 20:30 deri në 06:00