Qeverisja lokale e Gjilanit, që ndër të tjera është përgjegjëse edhe për pastrimin dhe mirëmbajtjen e lumenjve në tërë territorin e saj, po akuzohet se ka dështuar të kryejë këtë përgjegjësi të saj.
Prandaj, në mungesë të përmbushjes së kësaj detyre nga Komuna, tani subjekte të ndryshme po intervenojnë në shtratin e lumenjve me qëllim që të bëjnë pastrimin e tyre nga mbeturinat, shkruan sot “Koha Ditore”.
Shoqata humanitare “Perlepnica”, pa lejen e Komunës ka intervenuar së fundmi në shtratin e lumit në fshatin Perlepnicë, duke angazhuar një ekskavator dhe kamion që të kryejnë punën.
Drejtues të Shoqatës vlerësojnë se pastrimi i lumit nga mbeturinat hyn në kuadër të shumë projekteve, të cilat janë duke i financuar në këtë fshat.
Ata kritikojnë Komunën se nuk u ka dhënë leje për intervenim në shtratin e lumit, pavarësisht që kishin bërë kërkesë për një gjë të tillë.
Kryetari i Shoqatës humanitare “Përlepnica", me seli në shtetin zviceran, Mevlan Ismajli deklaron se projekti financohet nga të hyrat, të cilat grumbullohen nga kontributi i anëtarësisë.
-
Lumi Llap vërshohet nga mbeturinat, qytetarët ankohen e komuna thotë se pastrohet vazhdimisht
-
“Pastrimi”: Pagesat bëhen te ne, Prokuroria ta hetojë Komunën e Prishtinës
-
Hyseni: Vërshimet po ndodhin edhe si pasojë e hedhjes së mbeturinave në lumenj
-
Banorët e Petrovës së Shtimes në hall nga vërshimet, kërkojnë rregullimin e shtratit të lumit
-
Deçanasit ende të papërgjegjshëm ndaj mjedisit