Kryeministri i Republikës së Kosovës, Ramush Haradinaj, priti në takim përfaqësuesit e Shoqatës Bamirëse “Nëna Terezë”, të kryesuar nga drejtori Zef Shala.
Fillimisht, ata e uruan kryeministrin Haradinaj për marrjen e përgjegjësive të reja, duke ia ofruar kështu mbështetjen e tyre në të gjitha fushat.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHaradinaj përgëzoi përfaqësuesit e Shoqatës “Nëna Terezë” për punën e palodhshme, e cila për 27 vjet me radhë nëpërmjet programeve dhe projekteve humanitare e ka ndihmuar dhe vazhdon të ndihmojë popullin e Kosovës, duke dhënë kontribut në zvogëlimin e varfërisë në vend. Gjatë viteve 1995 -1999 rreth 150 anëtarë të Sh.B. “Nëna Terezë” janë vrarë kurse 40 konsiderohen të zhdukur në luftë.
Po ashtu, kryeministri premtoi se qeveria e Kosovës do të angazhohet fuqishëm në zbatimin e vendimeve dhe detyrimeve qeveritare, për uljen e papunësisë dhe varfërisë në Kosovë, duke krijuar vende të reja të punës dhe zhvillim të qëndrueshëm ekonomik.
Drejtori i Shoqatës “Nëna Terezë”, Zef Shala, e ka njoftuar kryeministrin Haradinaj me aktivitetet e shoqatës, që pos zbutjes së varfërisë po kontribuon edhe në zhvillim. Sipas tij kjo shoqatë është shpallur nga Ministria e Administratës Publike ndër organizatat më transparente në Kosovë.