Me rekomandim të Institutit Kombëtar të Shëndetësisë Publike, shkolla fillore e mesme e ulët “Ismail Qemali” në Prishtinë nga nesër kalon në mësim online për dy javë pasi disa mësimdhënës dhe nxënës kanë rezultuar me koronavirus.
Pas testimeve të IKSHPK-së, në këtë shkollë me koronavirus janë konfirmuar shtatë mësimdhënës, një psikologe dhe 13 nxënës nga gjithsej 2953 nxënës dhe 127 mësimdhënës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIKSHPK-ja po ashtu rekomandon stafin menaxhues të këtij institucioni arsimor, që të dezinfektojnë shkollën dhe të vazhdohet me aplikimin e masave higjieno-sanitare, si dhe të respektohen kriteret dhe rekomandimet e institucioneve shëndetësore, si dhe protokolli i reagimit i Ministrisë së Arsimit dhe Shkencës (MASH).
Ministria e Shëndetësisë lidhur me çdo ndryshim të situatës epidemiologjike ka bërë të ditur se do të ketë njoftim në kohë reale.
