Ambasada e Shteteve të Bashkuara, përmes Agjencisë së SHBA-së për Zhvillim Ndërkombëtar (USAID), i ka dhuruar Kosovës 50 respiratorë.
Sipas njoftimit të ambasadës, respiratorët janë nga më bashkëkohorët për të ndihmuar në luftën kundër COVID-19.
"Në përgjigje të nevojës së Kosovës për më shumë pajisje mjekësore, Shtetet e Bashkuara po i dhurojnë 50 respiratorë tërësisht të ri dhe nga më bashkëkohorët. Kjo shprehje e partneritetit tonë SHBA-Kosovë është gjithashtu edhe një shembull i shkëlqyeshëm i bashkëdyzimit të zemërgjërësisë amerikane dhe inovacionit të industrisë private amerikane. Shpresojmë që këto aparate mjekësore t’u mundësojnë ofruesve të shërbimeve shëndetësore anembanë Kosovës të shpëtojnë më shumë jetë", tha ambasadori Philip Kosnett, përcjell komunikata.
Pos respiratorëve, në njoftim thuhet se USAID-i po financon edhe një pako mbështetëse e cila përfshin pajisjet shoqëruese, instalimin, garancitë, planet e servisimit dhe të tjera.
-
SHBA-ja ndan 2.5 milionë dollarë ndihmë për Kosovën
-
UNICEF-i i dhuron Kosovës 270 frigoriferë dhe ngrirës për vaksinat anti-COVID
-
SHSKUK-ja pranon pajisje mjekësore në vlerë mbi 500 mijë dollarë nga SHBA-ja
-
SHBA-ja për vaksinat e dhuruara: Do t’ia mundësojnë Kosovës t’i mbrojë më shpejt qytetarët e saj
-
Ambasada amerikane kërkon nga qytetarët e Kosovës që të vaksinohen