SHBA-ja bën thirrje që të shmangen retorikat politike e të bashkohen forcat në luftën ndaj pandemisë

Ambasada e SHBA-së në Kosovë ka kërkuar që të shmangen retorikat politike dhe të bashkohen forcat për luftimin e pandemisë COVID-19.

“SHBA-ja ka inkurajuar dhe vazhdon të mbështesë bashkëpunimin rajonal në mbështetje të mirëqenies së qytetarëve - përfshirë këtu luftën kundër pandemisë COVID-19. Ne i ftojmë të gjitha palët që të shmangin retorikën e politizuar dhe të bashkohen rreth zgjidhjeve praktike për të lehtësuar lirinë e lëvizjes së furnizimeve mjekësore dhe t'i mundësohet personelit t’i monitorojë komunitetet e prekura. Le t’i vendosim jetët e njerëzve në rend të parë”, thuhet në postimin e Ambasadës amerikane në Facebook.