Demush Shasha, drejtori i Institutit EPIK, që merret me çështjet e integrimit evropian, ka thënë se çdo pengesë që institucionet e Kosovës mund t’i bëjnë Gjykatës Speciale dhe EULEX-it do të sillte pasoja të rënda për liberalizimin e vizave për Kosovën.
Sipas Shashës, çdo tentativë për krijimin e pengesave drejt këtyre mekanizmave do të siguronte izolimin e plotë të Kosovës.
Pas ngritjes së aktakuzës ndaj presidentit Hashim Thaçi nga Zyra e Prokurorit të Specializuar, Organizata e Veteranëve të Luftës së UÇK-së paralajmëruan se do të bëjnë kërkesë për shfuqizim të Gjykatës Speciale. Të enjten, Presidenca deklaroi se misioni i EULEX-it më nuk ka mandat në Kosovë.
“Funksionimi i pa penguar i Gjykatës Speciale dhe bashkëpunimi me EULEX-in janë themelet e procesit integrues dhe shtet-ndërtues të Kosovës. Çfarëdo tentative për krijimin e pengesave drejt këtyre mekanizmave do këtë pasoja të rënda në procesin e liberalizmit të vizave dhe do sigurojnë izolimin e plotë të Republikës së Kosovës”, ka shkruar ai në Facebook.
-
Vështirë që liberalizimi i vizave për Kosovën të jetë në agjendë të BE-së sivjet, thotë Shasha
- Testi i vitit 2025
-
Hoxhaj: BE-ja rrezikon të krijojë precedent të rrezikshëm për Kosovën
-
Shasha sqaron: Zero mundësi që Franca njëanshëm ta pezullojë liberalizimin e vizave
-
Palokaj: Suspendimi i liberalizimit të vizave s’është opsion si masë ndaj Kosovës