Shaip Kamberi edhe zyrtarisht e ka fituar mandatin e katërt si deputet në Kuvendin e Serbisë, sipas shpalljes së rezultateve përfundimtare nga Komisioni Republikan i Zgjedhjeve të premten.
Kamberi garoi me listën “Lufta politike e shqiptarëve vazhdon - Shaip Kamberi” në zgjedhjet e jashtëzakonshme më 17 dhjetor. Ai do të jetë përfaqësuesi i vetëm i shqiptarëve në Kuvendin e Serbisë.
Sipas KQZ-së, lista e udhëhequr nga Kamberi mori 13.501 vota apo 0.35 për qind dhe fitoi një mandat në Kuvend.
Sipas rezultateve përfundimtare, në zgjedhjet në Serbi, të cilat nga shtetet perëndimore u kontestuan për shumë parregullsi, kanë votuar 3.815.007 persona me të drejtë vote.
Partia e Aleksandar Vuçiqit ka dalë bindshëm e para me 129 mandate, ndjekur nga “Serbia kundër dhunës” me 65 mandate. Partia e Ivica Daçiqit fitoi 18 mandate.
-
Kamberi: Arritje historike, jemi në garë për mandatin e tretë
-
Kamberi shpall fitoren, por mandati i tij nuk konfirmohet pas 95% të votave të numëruara
-
IPSOS/CeSID: Partia e Vuçiqit fiton 128 mandate, Kamberi fiton një mandat
-
Memeti: Jemi optimist duke marrë parasysh ndryshimet drastike të pushtetit në Serbi
-
Presidentja Shiroka Pula uron shqiptarët për fitimin e dy mandateve në Kuvendin e Serbisë