Profesori amerikan Daniel Serwer ka vlerësuar se lufta e dytë kundër Iranit ishte një gabim strategjik që, sipas tij, ekspozoi dobësinë e Shteteve të Bashkuara të Amerikës dhe paaftësinë e tyre për të parashikuar pasojat e veprimeve ushtarake.
Në një bashkëbisedim në podcastin PIKË me publicistin Veton Surroi, Serwer ka thënë se, ndonëse lufta e parë kundër Iranit mund të argumentohet se pati ndikim pozitiv duke dëmtuar programin bërthamor iranian, lufta e dytë ishte “çmenduri”.
“Lufta e dytë vërtet dëshmoi dobësinë amerikane. Është një demonstrim gjigant i dobësisë amerikane, paaftësisë në anën diplomatike, por edhe një paaftësie për të parashikuar pasojat e veprimeve të saj”, ka thënë Serwer.
Sipas tij, veprime të tilla e kanë dobësuar SHBA-në në mënyrë dramatike dhe kanë krijuar hapësirë për kundërshtarët e saj.
Serweri shtoi se debatet mbi prioritetet e politikës së jashtme amerikane, përfshirë ndihmën e huaj dhe balancën mes Azi-Paqësorit, Evropës dhe Hemisferës Perëndimore, janë të nevojshme, por theksoi se ato nuk duhet të çojnë në vendime që dobësojnë pozicionin e Shteteve të Bashkuara.
Daniel Serwer në PIKË me Veton Surroin
Në episodin e 61-të të podcastit PIKË me publicistin Veton Surroi, i ftuar është profesori amerikan...-
Merzi thotë se Irani po e poshtëron SHBA-në
-
“Amerika juaj ekziston kudo, por jo në pushtet”
-
Sulme të reja mes SHBA-së dhe Iranit, tensionet afrohen drejt një lufte të hapur
-
Serwer: Parandalimi i luftës civile ishte një nga gjërat më të mira që kam bërë në Kosovë
-
Serwer: Amerika që e keni admiruar nuk është në pushtet sot