Senatorja amerikane, Jeanne Shaheen, u ka bërë thirrje Kosovës dhe Serbisë që të bashkëpunojnë për të arrestuar kryeterroristin e sulmit të 24 shtatorit në Banjskë të Zveçanit, ku mbeti i vrarë rreshteri policor, Afrim Bunjaku dhe u plagosën dy të tjerë.
“Ata duhet të arrestojnë Radojiçiqin dhe ta fusin në burg”, ka thënë Shaheen gjatë konferencës së Sigurisë që u mbajt në Munih.
I sanksionuari i SHBA-ja dhe Britania e Madhe, Milan Radoiçiq, ka pranuar përgjegjësinë për sulmin, për çka senatorja Shaheen tha se Radoiçiq duhet të mbahet përgjegjës për vrasjet.
“Kam pasur rastin të takohem me presidentin Vuçiq sot në mëngjes, jam takuar me kryeministrin Kurti dje dhe një nga gjërat që mendoj se duhet të ndodhë është që duhet ta arrestojnë Radoiçiqin dhe ta fusin në burg. Ai ka pranuar bashkëfajësinë në atë që ndodhi më 24 shtator, ka pranuar vrasjet dhe tani duhet të mbahet përgjegjës për këtë, dhe Serbia dhe Kosova duhet të bashkëpunojnë për këtë”, ka thënë ajo./KSP
-
Senatorja Shaheen: Radoiçiqi duhet të arrestohet për Banjskën
-
Britania i bën thirrje Serbisë t’i dorëzojë përgjegjësit për Banjskën, përfshirë Radoiçiqin
-
DASH: Të gjithë të përfshirët në sulmin në Banjskë duhet të sillen para drejtësisë
-
Nisin hetimet, si vepruan institucionet në Serbi për ta lënë të lirë Radoiçiqin
-
Kosova kërkon që ndërkombëtarët të mos e tolerojnë më Serbinë për Radoiçiqin