Deputeti i LDK-së në Kuvendin e Kosovës, Driton Selmanaj, që njihet për gjuhën e tij kritike ndaj presidentit të vendit, Hashim Thaçi, e ka kontestuar vendimin e këtij të fundit për të nderuar me medalje për Liri e Pavarësi, kreun e Kuvendit të Shqipërisë, Gramoz Ruçi.
Kundërshtimin e tij, Selmanaj e ka shprehur me një postim në profilin e tij në Facebook.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Hashim Thaçi e paska dekoru Gramoz Ruçin me medaljen për Liri dhe Pavarësi. A din kush me na tregu cili është kontributi i Gramoz Ruçit për Lirinë dhe Pavarësinë e Kosovës??! Mos u mundoni se nuk do arrini të gjeni asgjë. Klishe gjithandej”, ka shkruar Selmanaj, përcjell Koha.net.
Sot, pas takimit me kryetarin e Kuvendit të Kosovës, Kadri Veseli, kryetari i Kuvendit të Shqipërisë, Gramoz Ruçi, është pritur në takim nga presidenti i Kosovës, Hashim Thaçi.
Ruçi është dekoruar nga presidenti Thaçi me medaljen për Liri dhe Pavarësi. Presidenti i Kosovës tha se ky çmim i jepet Ruçit për kontributin e dhënë për liri dhe pavarësi të Kosovës.
Kryetari i Kuvendit të Shqipërisë është shprehur i befasuar me këtë dekoratë që i është dhënë nga shteti i Kosovës në vizitën e tij të parë si kryetar Kuvendi.
“Kjo është dekorata e parë që unë marr nga presidenti i Kosovës, i jam shumë mirënjohës. Kontributi për lirinë e Kosovës nuk i përket asnjë individi, as mua dhe pavarësisht të gjithave… spektrit politik shqiptar, të gjithë deputetëve shqiptarë ka qenë ëndrra e të gjithëve ka qenë që pavarësia e Kosovës të bëhet realitet. Kështu që ky vlerësim që më behët mua sot unë ia atribuoj dhe ia dedikoj bashkatdhetarëve të mi në Shqipëri, pavarësisht se cilit spektër politik i takojnë”, tha Ruçi.