Seanca e Kuvendit të Kosovës ka vazhduar me kërkesën për t’u ndërprerë punimet për shkak të mungesës së deputetëve. Megjithatë, sot seanca përfundoi për të vazhduar të hënën në orën 10:00.
Kuvendi konfirmon se në rend të ditës do të jetë shqyrtimi i parë i Projektligjit për Dhomën e Posaçme të Gjykatës Supreme për çështjet në lidhje me Agjencinë Kosovare të Privatizimit.
Më pas, vazhdon seanca plenare, me pikat e papërfunduara të 6 korrikut 2018.
Por, gjatë seancës së sotme, Korab Sejdiu nga LDK-ja, kërkoi që seanca të ndërpritet për shkak të mungesës së deputetëve dhe për të vazhduar për të hënën.
Kurse, shefi i grupit parlamentar të PDK-së, Memli Krasniqi tha se janë gjashtë pika të rendit të ditës që mund të vazhdojnë seancën.
Edhe
Seanca e Kuvendit nis me një orë vonesë
Albulena Haxhiu nga Vetëvendosje, tha se vazhdimi i debatit me 20 deputetë është goxha qesharak.
Dardan Sejdiu nga PSD-ja, tha se për deputetët si duket kampionati botëror po bëhet më i rëndësishëm se Kuvendi i Kosovës.
“Pesëdhjetë minuta më vonë pas përfundimit të pjesës së parë të lojës, por si duket kampionati botëror po bëhet më i rëndësishëm se Kuvendi i Kosovës. Është për këqyrje me 50 minuta vonesë diskutojmë a të vazhdojmë apo jo“, tha ai, transmeton ksp.
Bilall Sherfi tha se sikur të ishte vetëm futbolli, i bie që asnjëherë deri thash nuk janë ndërprerë seancat për shkak të mungesës së deputetëve.
Edhe
S’nis seanca, Konjufca: Mos caktoni mbledhje të komisioneve kur ka seanca
“Pra nuk është arsyeja futbolli, së paku unë kështu e shoh se nga 27 sa ka LDK, veç Korabi qenka këtu, kjo i bije që LDK krejt futbollista”, tha ai.
