-
Nga:
Edona Kutleshi-Maliqaj
- 10 prill 2019 08:30
- Shpërndaje në:
Tri kërkesa të reja i ka shtuar Sindikata e Bashkuar e Arsimit, Shkencës dhe Kulturës së Kosovës (SBASHK) në këmbim të zëvendësimit të orëve të humbura gjatë grevës në arsim.
Ndonëse deri tash SBASHK-u kërkonte që të barazohej koeficienti i mësimdhënësve fillorë me ata të mësimdhënësve të shkollave të mesme të ulëta, të martën Këshilli Drejtues i Sindikatës ka marrë vendim që të njëjtin koeficient ta kenë edhe psikologët, pedagogët dhe sekretarët e shkollave, shkruan sot “Koha Ditore”. Sipas Sindikatës, deputetët e Kuvendit sa më parë duhet t’i mbledhin nënshkrimet dhe t’i bëjnë këto ndryshime në Ligjin për paga.
Në bazë të vendimit të fundit të SBASHK-ut, i bie se të gjitha këto kategori duhet ta kenë koeficientin 2.45 apo pagë 585.55 euro në muaj.
Deputetë të Kuvendit të Kosovës, kërkesën e SBASHK-ut, po e konsiderojnë joserioze dhe pazar nga ana e Sindikatës. E MASHT-i përmes një përgjigje me shkrim ka thënë se nuk komenton vendimet e SBASHK-ut, i cili sipas Ministrisë nuk po i përmbahet takimit në Komisionin parlamentar për arsim. Në këtë takim, të mbajtur javën e kaluar, përfaqësues të Sindikatës dhe ministri Shyqiri Bytyqi janë zotuar se do të gjejnë një zgjidhje të përbashkët rreth orëve të humbura.
(Artikullin e plotë mund ta lexoni sot në “Koha Ditore”)
