Kryetari i Odës Ekonomike të Kosovës, Berat Rukiqi, nuk po pajtohet me masat e njoftuara nga Oda e Hotelerisë dhe Turizmit, pas takimit që këta të fundit patën me ministrin e Shëndetësisë, Arben Vitia.
Përmes një reagimi në Facebook, Rukiqi ka thënë se kufizimi i lëvizjes nuk është zgjidhje.
“Sot lufta me pandeminë ka armë tjera në dispozicion: vaksinimi masiv i kombinuar me masa të distancës sociale. Ora policore dhe kufizimet në orare nuk janë zgjidhje”, shkroi ai.
Kryetari i OEK-ut kërkoi që të ndëshkohen ata që nuk vaksinohen.
“Rastet me fatalitet dhe të hospitalizuarit janë nga kategoritë që nuk po vaksinohen. Nuk mund të vazhdojmë të paguajmë dëmin, e të papërgjegjshmëve që nuk po vaksinohen dhe të jokonsistences në menaxhimin e pandemisë. Kufizime të rrepta duhet të zbatohen, por në këtë rast, për ata që nuk po vaksinohen”, shkroi tutje ai.
-
Rukiqi: Ky vit do të jetë shumë më sfidues se ai parapraku për ekonominë e Kosovës
-
OEK-u bën thirrje të ulet akciza për naftën dhe TVSH-ja për disa produkte
-
MSH-së i jepen rekomandime për rritjen e shifrave të vaksinimit
-
Kërkohet lehtësim i masave, pas rënies së numrit të të infektuarve
-
Rukiqi: Nuk presim rikuperim të gjendjes ekonomike para vitit 2022