Riinvest gjen se 20% e bizneseve japin ryshfet pa iu kërkuar

Ryshfeti, informaliteti e favorizimi i miqve dhe anëtarëve të familjes në institucionet publike, janë tri praktikat më të përhapura të korrupsionit në Kosovë.

Dy të tretat e bizneseve mendojnë se nuk mund kryejnë punë pa dhënë ryshfet, ndërsa pothuajse gjysma e bizneseve deklarohen se nuk mund të zhvillohen pa korrupsion.

Sipas një raporti të publikuar nga Instituti Riinvest, 20 përqind e bizneseve të anketuara janë në gjendje të japin ryshfet pa iu kërkuar, ndërsa rreth 90 përqind e bizneseve të anketuara mendojnë se ka korrupsion, raporton KTV.

Ambasadori i Norvegjisë në Prishtinë, Per Strand Sjaastad, theksoi se fenomeni i korrupsionit është dukuri e rëndë, që ndikon negativisht në zhvillimin e ekonomisë dhe krijimin e konkurrencës së barabartë.

“Korrupsioni është një industri e madhe. Kompanitë, në raste të caktuara, janë viktima, por edhe pjesëmarrëse në industrinë e tij. Korrupsioni ka shumë ndikime negative, ai dëmton qytetarët, prish tregun dhe pengon zhvillimin ekonomik dhe mundëson krimin e organizuar në tërë vendin”, ka thënë Per Strand Sjaastad, ambasadori i Norvegjisë.

Edhe Arbëri 23 maj 2019 “Dy të tretat e bizneseve nuk mund të kryejnë punë pa dhënë ryshfet”

Zyrtarë të Agjencisë Kundër Korrupsionit, këtu kontestuan disa nga të dhënat e këtij raporti.

Në këtë konferencë, gjithashtu, u dhanë katër rekomandime për komunitetin e biznesit dhe për institucionet publike, që mund të ndikojnë në përmirësimin e gjendjes së bizneseve.