Të gjitha rrugët janë të kalueshme megjithë reshjet e dendura të borës gjatë të martës, ka njoftuar Ministria e Mjedisit, Planifikimit Hapësinor dhe Infrastrukturës.
Sipas ministrisë, ekipet e mirëmbajtjes dhe operatorët ekonomikë të kontraktuar janë angazhuar maksimalisht për të siguruar standardet më të larta të cilësisë, duke kryer ndërhyrje të rregullta për mirëmbajtjen e sipërfaqes rrugore, shenjave të trafikut dhe infrastrukturës ndihmëse.
“Përmes inspektimeve të vazhdueshme dhe intervenimeve të menjëhershme, kemi arritur të shmangim çdo problem të madh që mund të ndikojë në lëvizjen e lirë dhe të sigurt të qytetarëve”, thuhet në njoftim.
Ministria ka bërë thirrje për shoferët e këmbësorët që të kenë kujdes gjatë lëvizjes në rrugë.
“Shoferët ftohen të respektojnë kufizimet e shpejtësisë, të mbajnë distancën e sigurisë, të jenë të vëmendshëm, të përdorin goma dimërore dhe zinxhirë në zonat e nevojshme”, thuhet tutje.
-
Ministria në “gatishmëri për pastrimin dhe kriposjen e rrugëve” pas reshjeve të borës
-
Qytetarët ankohen për rrugët e papastruara nga bora, Ministria thotë se të gjitha janë të kalueshme
-
Ministria e Infrastrukturës: Rrugët e bllokuara janë pastruar, ekipet mbeten në gatishmëri
-
Borë e akull, Policia apelon te shoferët për kujdes
-
Policia apelon për kujdes në trafik për shkak të motit