Kryeministri i Shqipërisë, Edi Rama, homologu i tij nga Maqedonia e Veriut Zoran Zaev dhe presidenti Serbisë, Aleksandar Vuçiq e nisën paraditen e së enjtes me një video-konferencë për të avancuar me projektin e “Mini-Schengenit” ballkanik.
Për takimin online, zbuloi kryeministri i Maqedonisë së Veriut, Zaev, duke publikuar dy foto nga ky takim, i cili sipas tij u shërbeu përgatitjeve për Forumin Ekonomik dhe Bashkëpunimin Rajonal që do të mbahet në Shkup, më 29 korrik.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nëse ndërlidhemi edhe më shumë, e bëjmë jetën e qytetarëve tanë dhe të lehtë e më të mirë. Ky është Ballkani i ri në Evropë”, theksoi shefi qeverisë së Maqedonisë së Veriut.
Rama, Zaev dhe Vuçiq tri javë më parë zhvilluan një takim të ngjashëm online ku u pajtuan për emërtim të ri të kësaj iniciative në Forumin e 29 korrikut në Shkup.
Në takimet e para të për “Mini-Schengenin” ballkanik në disa raste morën pjesë edhe Mali i Zi e Bosnjë-Hercegovina, por më pas u tërhoqën.
Kosova nga fillimi ka refuzuar këtë nismë.