Rama: Unaza njëkahore implementohet vitin e ardhshëm

Kryetari i Prishtinës, Përparim Rama, deklaroi të enjten në takim me qytetarët se shtatori i vitit të ardhshëm do të jetë koha kur pritet të implementohet unaza njëkahore.

“Nesër (të premten v.j.) do mbahet mbledhja e fundit ku do vendoset për projektin final të unazës njëkahore ku pastaj do të dalë edhe në diskutim publik e deri në shtator të vitit të ardhshëm pritet që të implementohet."

Ai njoftoi se më 16 janar do të përzgjidhet kompania fituese për rrugën A dhe pastaj pritet të fillojë ndërtimi i saj.

Rama foli edhe për sheshin që fillimisht do të zgjatet deri te Posta, e pastaj deri te “Rrethi i Flamurit”.