Komandanti i FSK-së, gjenerallejtënant Rrahman Rama, së bashku me drejtorin e NALT-it (Ekipit Këshillues dhe Ndërlidhës të NATO-s për FSK-në), gjeneral brigade Dietmar Mosmann, qëndruan për vizitë dy ditore zyrtare në Shtabin e NATO-s në Bruksel, përkatësisht në Komitetin për Operacione dhe Politika.
Komandanti i FSK-së, gjenerallejtënant Rrahman Rama para këtij komisioni raportoi për bashkëpunimin me NALT-in dhe NATO-n, për të arriturat e përgjithshme të FSK-së gjatë vitit 2016 dhe për vizionin dhe objektivat e FSK-së për të ardhmen.
Ndërsa, gjenerali Dietmar Mosmman, drejtori i NALT-it, raportoi për zhvillimin e NALT-it, mbështetjen dhe bashkëpunimin me FSK-në, si dhe për detyrat në të ardhmen.
Komandanti i FSK-së, gjenerallejtënant Rrahman Rama ka zhvilluar takime edhe me disa përfaqësues të NATO-s dhe me kryesuesin e takimit të Komitetit për Operacione dhe Politika, Michel Soula.
Prezantimet e gjeneral Ramës dhe gjeneral Mosmann u mirëpritën nga të pranishmit në komitet, madje ata edhe u inkurajuan nga përfaqësuesit e këtij komitetit për të arriturat e deritashme dhe për vizionin e tyre për zhvillimin e FSK-së në ardhmen.
-
Rama: FSK-ja e gatshme për misione paqësore
-
Një delegacion i NATO-s vizitoi Ministrinë e Mbrojtjes, u bisedua për tranzicionin e FSK-së
-
Delegacioni i MFSK-së takohet me ushtarakë të NATO-s
-
Vlerësohen të suksesshme ndërveprimet e KFOR-it dhe të FSK-së
-
Gjenerallejtënant Rama: Kosova synon të jetë pjesë e NATO-s