Kryeministri i Shqipërisë, Edi Rama, e ka cilësuar “gjë shumë të mirë” marrëveshjen që Kosova dhe Serbia e nënshkruan të martën në Bruksel për rrymën në veri të Kosovës.
Dy shtetet miratuan udhërrëfyesin për zbatimin e marrëveshjes për energjinë në veri. Marrëveshje ishte arritur qysh më 2013, por s’ishte zbatuar. Bëhet fjalë për energjinë që shpenzojnë serbët në veri e nuk e paguajnë. Me marrëveshje parashihet që Zyra e Rregullatorit të Energjisë të lëshojë licencë furnizimi te “Elektroseveri”, i cili do të merret me operimin në katër komunat në veri.
“Gjë shumë e mirë marrëveshja e firmosur mes Kosovës e Serbisë për energjinë në Veri. Kjo është rruga e duhur. Të tjerat janë humbje kohe duke rrejt veten!” ka qenë komenti i Ramës në Twitter për arritjen e marrëveshjes.
-
Kurti: Marrëveshja për energjinë, rezultat i punës sonë
-
Kosova e Serbia arrijnë marrëveshje për faturimin e energjisë në veri
-
Rama: Zbatimi i Marrëveshjes mes Kosovës e Serbisë, i rëndësishëm për sigurinë dhe paqen
-
Rama: Kosova e Serbia duhet të merren vesh, s’ka asnjë rrugë tjetër
-
Rama – Kurtit: Më mirë vonë se kurrë