Kryeministri i Shqipërisë, Edi Rama, ka përkujtuar 23-vjetorin e çlirimit të Kosovës nga pushtimi serb.
Me anë të shpërndarjes së dy fotografive të NATO-s, Rama ka shkruar se me hyrjen e trupave të këtij misioni, është hapur një epokë e re për shqiptarët në Kosovë.
“Si sot 23 vjet më parë, me hyrjen forcave të NATO-s u hap një epokë e re për shqiptarët e Kosovës”, ka shkruar Rama.
Kosova shënon 23-vjetorin e çlirimit nga forcat serbe, për çka krerët shtetërorë kanë bërë homazhe te varri i ish-presidentit të Kosovës, Ibrahim Rugova. Presidentja Vjosa Osmani e kryeministri Albin Kurti, në përkujtim të 23-vjetorit të ditës së çlirimit, kanë bërë homazhe edhe te varri i ish-veprimtarit të çështjes kombëtare, Adem Demaçi.
Duke uruar qytetarët në këtë ditë çlirimi, ata u zotuan se do të angazhohen për drejtësi për të gjitha viktimat, dëmet dhe vuajtjet e shkaktuara të popullit të Kosovës nga forcat serbe.
-
Rama uron Kosovën për Ditën e Çlirimit
-
Në Ditën e Çlirimit vlerësohet kontributi që është dhënë, Rama “thumbon” Kosovën për aleatët
-
Në Ditën e Çlirimit jepen zotime për shtet më të fortë
-
Begaj: Liria e Kosovës erdhi me luftën e UÇK-së dhe vendosmërinë e aleatëve
-
27 vjet nga ndërhyrja që ndërroi kahen e fatit të Kosovës