Një ditë pasi opozita në Shqipëri vendosi për organizimin e protestave mbarë popullore kundër Qeverisë, duke bërë edhe thirrje për mosbindje civile, ka ardhur edhe reagimi i kryeministrit Edi Rama.
Teksa shprehet se opozita e sotme tentoi të vendoste një tarifë prej 8-9 eurosh kur ishte në qeveri për Rrugën e Kombit, tani synon të djegë rrugën evropiane të Shqipërisë.
“Kur ishin në qeveri e bënë tenderin e pagesës së rrugës 8-9 EU! Dështuan. Tani i vunë zjarrin ‘patriotik’ e duan ta përdorin Kukësin si shishe benzine për të djegur rrugën evropiane të Shqipërisë! Mjerë kush u beson rrugë humburve pa atdhe që duan zjarr e kaos për t’i ikur drejtësisë”, ka shkruar Rama, në rrjetin social Facebook.
Opozita e Shqipërisë ka paralajmëruar protesta derisa taksa rrugore të hiqet, dhe po ashtu ka thënë se nuk ka tërheqje deri në rrëzimin e Qeverisë Rama.
-
Rama pas protestave të dhunshme: Këto s’janë duart e studentëve, por të opozitës
-
Rama pas protestave të dhunshme: Këto s’janë duart e studentëve, por të opozitës
-
Rama për djegien e karrigeve të Kuvendit: Ne përpiqemi të shërojmë, ata shkatërrojnë
-
Rama: Do të mbrojmë çmimin e energjisë për familjet e bizneset e vogla
-
Në ditën e katërt të protestave në Shqipëri, Qeveria prezanton “Paketën Sociale”