Ministri i Arsimit, Shkencës dhe Teknologjisë, Shyqiri Bytyqi, priti të Ngarkuarën me Punë në Ambasadën e Dukatës së Madhe të Luksemburgut në Kosovë, Anne Dostert, me të cilën bisedoi për zhvillimet aktuale në fushën e arsimit, si dhe mundësitë e bashkëpunimit të mëtutjeshëm.
“Është mirë që gatishmëria e juaj për të vazhduar me projekte të reja në arsim është në përputhshmëri të plotë me objektivat dhe prioritetet tona që kanë për synim zhvillimin e kompetencave dhe aftësive profesionale të nxënësve tanë konform standardeve bashkëkohore, që të jenë konkurrues të denjë në tregun vendor dhe evropian të punës”, theksoi ministri Bytyqi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNga ana e saj, Anne Dostert tha se, Qeveria e Luksemburgut do të vazhdojë me projektin e ri në mbështetje të arsimit profesional, njëherësh bëri të ditur se me këtë projekt, i cili do të zgjasë katër vite, planifikohet shtrirja veprimtarisë jo vetëm në Qendrat e Kompetencës në Ferizaj dhe Prizren, por edhe në Qendrat tjera të Kompetencës në Kosovë, si dhe në institucionet arsimit të mesëm profesional.
Në këtë takim u fol edhe për nevojën e bashkëpunimit me ndërmarrje private në aspektin e zhvillimit të mësimit teorik, si dhe për qëndrueshmërinë financiare të Qendrave të Kompetencës.