Sindikata e Pavarur të Sektorit Privat të Kosovës njofton se sot kryetari i kësaj Sindikate, Jusuf Azemi, ka pasur një takim me përfaqësuesit e shoqatave sindikale të punëtorëve teknik të shkollave “Asim Vokshi ”, “ Gjergj Fishta”, “ Dardania ”, “ Ismail Qemaili”, “ Pjetër Bogdani” në Prishtinë, të cilët janë duke bërë grevë në lidhje me pagat.
“Të gjithë përfaqësuesit e shkollave përcollën mesazhet e punëtorëve se nuk lëvizin nga greva për derisa nuk realizohet pagesa e të ardhurave”, thuhet në njoftimin e Sindikatës.
Në komunikatë theksohet se të gjithë drejtorët e shkollave po sillen mirë me grevistët dhe po tregojnë solidaritet, por një mbështetje e fuqishme po u vjen edhe nga punëtorët e arsimit, gjegjësisht mësimdhënësit.
“Kështu do të veprohet deri më 18 shtator, pas kësaj date, nëse nuk paguhen atëherë do të ndryshojë strategjia e grevës”, thuhet në komunikatë.
-
Punëtorët teknikë të disa shkollave në Prishtinë nesër në grevë
-
Punëtorët teknikë pezullojnë grevën
-
Azemi: Greva e punëtorëve teknikë të shkollave në Prishtinë do të vazhdojë derisa të dalin pagat
-
Nesër në grevë punëtorët teknikë të shkollave në Prishtinë
-
Arrihet marrëveshje për ndërprerjen e grevës së punëtorëve teknikë të shkollave në Prishtinë